Lesestund for barn i Grendahuset

Leaparken velforening gjentek suksessen frå i fjor haust og byr på lesestund og laurdagsgraut. Velkomne alle barn og vaksne! Laurdag den 14. november er dagen då "Bukkene bruse på badeland" blir simultanomsett til nynorsk, medan bildene frå boka blir projiserte på ein (nesten) kvit vegg i Grendahuset. Opplesar er Sølve Rydland. Boka har vel ei målgruppe i alderen 2 - 7 år, sjølv om velforeninga nok vil påstå at alle mellom 0 og 120 år kan ha glede av den.